أفضل طريقة للتخسيس وبدون ممنوع

اعتقد ان هذا الموضوع سبب ارق لكثير من الناس وخاصة البنات، وهو انقاص الوزن والمهم الحفاظ عليه.
طبعا كلنا سمعنا وقرأنا الكثير من الطرق لانقاص الوز (الكيميائي، الفيزيائي، تجزئة الطعام، فقط خضار .....الخ) والملاحظ انها طلبات احيانا صعبه بس الواحد او الوحده تتحمل عشان يكون جسمها جميل وفي نفس الوقت رياضي وصحي (ويجيكي عريس بسرعه ان شاء الله )

لكن المشكله انه ممكن تصبر على هذه الطريق او الوصفه عدة اسابيع وما ان تصل الى وزنك الطبيعي او المطلوب حتى تلغي البرنامج كله وترجعي تاكلي بطريقه شرهه!!! وهذه هي المشكله أ ليه؟ لانه اساس البرنامج كان يخالف طبيعة ومتطلبات الجسم، فنحن نضعه في حاله خاصه لمدة شهر او اكثر وبعد كده نرجع للحاله الطبيعيه، لذلك اكثر عمليات التخسيس تفشل او اذا نجحت لا تستمر، وقد نصرف عليها اموال واوقات طائله!!!

ما الحل؟!

الطريقة اللي اقدم لكم هي خاصة ليست منتشره ورائعه وسهله ويشعر الانسان انه يستمتع و زوجتي اكبر دليل لانها اخذت دوره خاصه عند هذه المدربه وماشيه على البرنامج اكثر من سنه نزل وزنها تقريبا 18 كيلو وما شاء الله محافظه على البرنامج بكل هدوء!
وان شاء الله قريبا يكون البرنامج متواجد في الانديه الصحيه!

طيب ندخل في الموضوع: تقول صاحبة الفكره المدربه "شيبيكي" وهي مدربه متخصصة في التخسيس من سلوفاكيا وسجلت الطريقه كبراءة اختراع داخل البلد ،طبعا هي احد النساء اللي فقدت اكثر من 50 كيلوغرام شخصيا ولاتزال تحافظ على رشاقتها سنوات رغم انها تاكل ما لذ وطاب! وتدرب في عدة انديه صحيه في سلوفاكيا وخارجها.

1-تقول شيبيكي انه جسم الانسان يعرف احتياجاته تماما، فهو عندما يطلب منك ان تاكل شيء معين فهو يحتاج هذا الشيء فبالتالي عندما نمنعه ونعطيه شيء اخر يسكت الجوع بس بعد نصف ساعه او اكثر يطلبه مره اخرى فاذا لبيت الطلب زاد الوزن!!

اذا لابد ان نساير الرغبات طبعا هناك ضوابط ايضا شرعيه وهذه لا تؤثر على البرنامج "سبحان الله" لانه الاشياء محرمه مظره بالجسم وبالتالي تقول لابد ان تاكل اجود الطعام عموما للحفاظ على صحتك!

2- جسم الانسان يحتاج الى غذاء كل اربع ساعات، قبل ما اكمل خلينا ننظر لواقعنا نصح الصبح يا نفطر اي كلام يا ما نفطر نهائي وهذا خطاء لانه جسم الانسان يحتاج الى طاقة خلال اليوم الكامل فهو يحتاج الى غذاء لجهد اليوم كله، بالتالي وجبنة الفطار مهمه جدا، بعد كده نروح على الدوام او المدرسه وناكل سندويتش وعدي على البقالة وخذ بيبسي، وشويه على ماكدونلد حبتين بطاطس اقصد انه على طول بناكل وهذا يلخبط نظام الجسم في الاكل فيصبح في حالى فوضى "كما هو واقعنا للاسف"!

البعض يقول طيب انا اكل بس في الصبح سندويتش ولما اجي من الدوام في المغرب اتغدى وعليها ما اكل شيء، لكن ما بنحف؟!!

تقول: هذه هي المشكله لانه جسم الانسان زي ما تقول يحتاج اكل كل اربع ساعات ، ففي حالة اكلت الصبح والمساء يعني كل 12 ساعه، الجسم يدخل حالة طواري، ويقول لنفسه انتبه ما حيجيك اكل الا بعد فتره طويله، فيحصل انه اي شيء تاكله يستهلك منه شويه والباقي يخزنه لانه ماهو ظامن متى يجي الاكل الثاني (سبحان الله) وبكده يزيد الوزن!!!


طيب الحل انه متى ما بداءنا وجبة الافطار في اي وقت وهذه ميزه يعني ما في داعي تعاير الساعه على 7 او 8 الخ وقت ما تشعر بالجوع كل اللي نفسك فيه او تشتهيه ومهم الافطار يكون متكامل ووجبه طيبه (طبعا هي تقول انه الانسان اول ما يصح ما يشعر بالجوع الا بعد 45 دقيقه)

طيب بعد كده احسب 4 ساعات وكل وجبة الغداء اللي نفسك فيها في ذلك الوقت!

في اول اسبوع لاتركز على الكميه ابغاك تركز على تنظيم الوقت! يعني اذا فطرت 8 تتغدى 12 واذا فطرت 9 تتغدى 1 وهكذا

ثم تجي الوجبة الثالثه بعد اربع ساعات برضه اللي نفسك فيه ( سندويتش، كروسون ،سلطهالخ) بس افضل دائما يكون اكلك صحي يعني تجنب الاشياء الصناعية والغير طبيعيه عموما حتى بدون برنامج تخسيس ( اهتم بجسمك)

وبعد اربع ساعات تجي الوجبه الرابع وافضل لو كانت الاخيره، الوجبه الرابعه تكون خفيفه ليه؟ لانه انت بعد ساعتين او ثلاثه رايح تنام وما في مجهود تبذله فبالتالي خلي لوجبه خفيف (زبادي، سلطه، الخ)

يعني اذا فطرت الساعه 8 الغداء 12 والثالثه 4 والرابعه 8 واذا كنت صاحي الى 12 وجعت كل سيء خفيف ولا تنام جائع، والافضل انك تنام قبل هذا الوقت لانه الجسم يحرق وانت نائم


بعد عدة ايام صدقني/ صدقيني بعد اربع ساعات تشعري زي المنبه من داخل الجسم تشعر بالجوع، يعني بدون مبالغه كل الفطور ووقت الوجبه الثانيه طل في الساعه تلاقيها تماما اربع ساعات! الا في حالة انك اكلت زيادة عن اللزوم في الوجبه السابقه فسوف تطول المده قليلا

طيب الان اتعودنا بناكل كل اربع ساعات اللي نحبه (لاحظوا ما في ممنوع بطاطا ، ولازم خبز اسمر ووووو) اي شيء تشتهيه تاكله (لذلك من الخطاء لما تروح نادي صحي يعملك جدول الاكل يقول لك اليوم تاكل كده وبكره مده واحيانا ما لك نفس فيه وتلكله زي الدواء وبكده ما تستمر)!!!


في شيء مهم جدا، في بداية الساعه الرابعه ووقت الشعور بالجوع لازم تاكل خلال 20 دقيقه، يعني اذا فطرت 9 وقت الغداء يكون 1 فلازم تاكل خلال العشريد دقيقع يعني الى 1:20 ليه؟

لانه المعده تكون متصله مع الدماغ وتقوله ابغى اكل لمدة 20 دقيقه واذا ما جاها اكل تبداء تحرق المخزن في الجسم، فلما تاكل بعد 20 دقيقه كل اللي اكلته يخزنه مرة ثانيه في جسمك لانه استهلك حاجة في ذلك الوقت!!!!! وبالتالي اللي اكلته متاخر راح يتخزن في جسمك وبالتالي يزيد الوزن!!!

بعد ما نتعود على اكل كل اربع ساعات نبداء ننزل من كمية الاكل، يعني الوجبه اللي كنت تاكلها نزل منها ملعقه كل مره الى ان تشعر انه هذه هي الكميه المناسبه

لو تلاحظو انه الطريقه ما هي مقيدهبنوعيه معينه او شكل معين فقط تنظيم الوقت! يعني تقدر تستمر عليها طول حياتك وبالتالي اللي وزنه زايد راح ينزل وزنه واللي وزنه ناقص حيزيد وزنه الى الوضع الطبيعي


باقي شيء واحد مهم (التمارين)

طبعا "شيبيكي" ضد التمارين المجهده والممله(الايروبك، الجري، اي شيء في اجهاد) تقول هذا يجهد الجسم ويخليه يشعر بالجوع اكثر

فعي عندها تمارين سهله وتنعمل في البيت وبدون اي جهاز ولمده 30 دقيقه وللبنات تزيد 15 دقيقه تمارين تنظيم للهرمونات (الخاصة بالتخسيس والدوره) عن تجربه بعض الفتيات كان عندهم عدم انتظام في الدوره وبعد هذه التمارين اصبحت كل 28 يوم بانتظام

طبعا هي لها ثلاثه كتب صغيره واشرطة فيديو للتكارين بس باللغه "السلوفاكيه" وبتعمل برامج في الغردقه وشرم الشيخ تقريبا 6 مرات في السنه وان شاء الله نحاول يوم نستضيفها في جده

وهذا كل البرنامج، حبا للفائده لكم وعشان نستمتع بحياة طيبه وصحيه بدون امراض وخاصة زيادة الوزن انها ثاني اكبر مسبب وفيات في امريكا

وغير كده الشاب يحب تكون زوجته رشيقه كما انها هي تحب انه زوجها يكون رشيق، وهنا عندي ملاحظه، انه اغلب الازواج يبغوا زوجاتهم في منتهي الرشاقه وهو يكون استغفر الله العظيم مكرش وشكله مقزز وهذا عدم انصاف

واحب اضيف انه لو لاحظتوا في برنامج شيبيكي انه ما زادت عن الهدي النبوي شيء جديد ( حسب ابن ادم لقيمات يقمن صلبه،فان كان ولابد فثلث لطعامه وثلث لشرابه وثلث لهواءه) ام كما قال عليه السلام

لكن للاسف عدم فهمنا للاسلام بشموليه وخليناها عباره عن فقط صلاة وحجاب الخ وهي بلا شك مطلوبه ولكن الاقتصار عليها حرمنا من كنوز في هذا الدين العظيم

ولا ننسى انه السعاده في الحياة ان يكون الانسان متوازن في 4 جوانب ( الروحي والاجتماعي والنفسي والجسدي) واي اختلال في هذا التوازن يختل فيه الشعور بالسعاده

بارك الله فيك

شكرا على مرورك الحلو اختى زهرة الياسمين


نووووووورتى الموضوع